काठमाडौं । कञ्चनपुरकी निर्मला पन्त बलात्कार र हत्याको प्रत्यक्षदर्शी दाबी गर्ने एक व्यक्ति पक्राउपछि फरार भएका छन् । ऋषि धमलासँगको टेलिभिजन कार्यक्रममार्फत गम्भीर अपराधबारे अफवाह फैलाएको आरोपमा उनी पक्राउ परेका थिए ।
गोरखा स्थायी घर भएर काठमाडौं बस्दै आएका नवराज अर्याललाई निर्मला पन्त बलात्कार र हत्याको प्रत्यक्षदर्शी दाबी गरेकाले मङ्गलबार पक्राउ गरिएको थियो । तर, आज भने उनी फरार छन् ।
केन्द्रीय अनुसन्धान ब्यूरो (सीआईबी) का एसपी होबिन्द्र बोगटीका अनुसार अर्याललाई सम्बन्धित विषयमा ४ घण्टा सोधपुछ गरेर आज उपस्थित हुने सर्तमा छाडिएको थियो ।
