इन्जिनियरिङ बिमा दाबीमा १०% बढी रकम काट्न नपाइने

काठमाडौं । निर्माण आयोजना तथा पूर्वाधार विकाससँग सम्बन्धित बिमामा बिमकले दाबी भुक्तानी गर्दा बिमितबाट कट्टा गर्न पाउने अनिवार्य अधिक रकम (एक्सेस) मा सीमा तोकिने भएको छ ।

नेपाल बिमा प्राधिकरणले अब इन्जिनियरिङ बिमाअन्तर्गत दाबी भुक्तानी गर्न योग्य रकमको बढीमा १० प्रतिशतसम्म मात्र अधिक रकम कट्टा गर्न पाइने व्यवस्था गर्न लागेको हो ।

यस व्यवस्थाले बिमा दाबी फर्स्योटका क्रममा बिमकले मनोमानी ढंगले ठूलो रकम कट्टा गर्ने प्रवृत्तिलाई नियन्त्रण गरी बिमितलाई राहत दिने अपेक्षा गरिएको छ । बिमक र बिमितबीचको आपसी समझदारीमै अधिक रकम निर्धारण गर्नुपर्ने भए पनि त्यसको अधिकतम सीमा दाबी भुक्तानीयोग्य रकमको १० प्रतिशतभन्दा बढी हुन पाउने छैन ।

त्यस्तै, एउटै घटनाका कारण मूल बिमालेख र अतिरिक्त जोखिम रक्षावरण दुवैअन्तर्गत क्षति पुगेको अवस्थामा मूल बिमालेखमा तोकिएको अधिक रकम मात्र कट्टा गर्न पाइनेछ । अतिरिक्त जोखिम रक्षावरणमा समेटिएको जोखिमका कारण मात्रै क्षति भएको अवस्थामा भने सोही रक्षावरणमा उल्लेखित अधिक रकम लागू हुने व्यवस्था गरिएको छ ।

यो खबर पढेर तपाईलाई कस्तो महसुस भयो ?
icon
खुसी
icon
दुःखी
icon
अचम्मित
icon
हाँस्यास्पद
icon
आक्रोशित
प्रतिक्रिया दिनुहोस्
प्रतिक्रियाहरु (०)
नाम चार शब्द भन्दा बढि लेख्न मिल्दैन

सम्बन्धित खबर

सामाजिक संजाल

ताजा समाचार

पर्यटन आगमनले चन्द्रागिरि हिल्सको नाफामा सुधार : खुद नाफा करिब ३ करोड

तीन महिनामा उद्योग क्षेत्रमा एक खर्ब लगानी प्रस्ताव

दूरसञ्चार सेवा प्रदायक कम्पनीलाई जरिवाना र ब्याज मिनाहाको सुविधा

भारत भ्रमणमा बालेनको प्राथमिकता व्यापार र लगानी : दिल्लीमा बिजनेस फोरम

छुटाउनुभयो कि ?