महराविरुद्ध जिल्ला अदालतमा मुद्दा दर्ता, साढे आठ करोड बिगो दाबी

र्वसभामुख तथा माओवादी नेता कृष्णबहादुर महराविरुद्ध जिल्ला अदालत काठमाडौंमा मुद्दा दर्ता भएको छ । भेपमा सुन तस्करी प्रकरणमा उनीमाथि संगठित अपराध र भन्सार छली मुद्दामा मुद्दा दर्ता भएको हो । उनीविरुद्ध ८ करोड ५५ लाख २८ हजार ३७४ रुपैयाँको बिगो दाबी गरी मुद्दा दायर गरिएको हो ।

महरलाई नेपाल प्रहरीको केन्द्रीय अनुसन्धान ब्युरोले आइतबार पक्राउ गरेको थियो । ई–सिगरेट (भेप) मा चिनियाँ नागरिकले सुन लुकाएर तस्करी गरेको प्रकरणमा महरा र उनका छोरा राहुल पनि मुछिएका थिए ।