बैंक तथा वित्तीय संस्थाहरूसँग भएको अधिक तरलता व्यवस्थापन गर्न नेपाल राष्ट्र बैंकले निक्षेप संकलन उपकरण जारी गरेको छ ।
आइतबार राष्ट्र बैंकले तरलता व्यवस्थापन गर्न ७० अर्ब रूपैयाँको निक्षेप संकलन उपकरण जारी गरेको हो ।
बैंकहरूमा थुप्रिएको अधिक तरलता व्यवस्थापन गर्न राष्ट्र बैंकले २१ दिनका लागि ७० अर्ब रूपैयाँ निक्षेप संकलन गर्न लागेको हो । जसको बोलकबोल आज आइतबार नै ‘अनलाइन बिडिङ सिस्टम सफ्टवेयर’मार्फत हुनेछ ।
आइतबार २ बजेसम्म बैंक तथा वित्तीय संस्थाहरूले घटीमा १० करोड र बढीमा ५ करोड रूपैयाँले निःशेष भाग जाने गरी आवेदन दिन सक्नेछन् ।
उपकरणको ब्याजदर बोलकबोलमार्फत नै निर्धारण हुनेछ भने, साँवा तथा ब्याज भुक्तानी माघ ६ गते हुने राष्ट्र बैंकले जनाएको छ ।
राष्ट्र बैंकले मंसिर महिनामा मात्रै सात पटक तरलता प्रशोचन गरको छ ।
