नेपाल राष्ट्र बैंकले बजारबाट फेरि एक खर्ब रुपैयाँ उठाउने भएको छ ।
बजारमा अधिक तरलता भएसँगै राष्ट्र बैंकले भदौ ३० गते अर्थात आइतबार पुन: एक खर्ब रुपैयाँ उठाउन लागेको हो । २१ दिन अवधीका लागि राष्ट्र बैंकले उठाउन लागेको एक खर्ब रुपैयाँको साँवा तथा ब्याज बैंकहरुले असोज २० गते फिर्ता पाउनेछन् ।
क, ख र ग वर्गका बैंक तथा वित्तिय संस्थाहरुले न्युनतम १० करोड र बढीमा ५ करोडले भाग गर्दा नि:शेष आउने अंक बराबरको निक्षेप राष्ट्र बैंकमा राख्न सक्नेछन् । बैंकहरुले त्यसरी राखेको निक्षेपको ब्याजदर भने बोल कबोलका माध्यमबाट निर्धारण हुनेछ । अर्थात सबै भन्दा थोरै ब्याजदर कबोल गर्ने बैंक तथा वित्तिय संस्थाको निक्षेप राष्ट्र बैंकले स्वीकार गर्नेछ ।
