टोखा नगरपालिका–२ झोरस्थित सडकखण्डमा ४ चैत राति ११ बजेतिर काठमाडौं उपत्यका अपराध अनुसन्धान कार्यालयको टोलीले बरामद गरेको २५ करोड रुपैयाँको मालिक पहिचान भएको छ ।
राजस्व अनुसन्धान विभागको टोलीले करिब १५ लामो अनुसन्धानपछि मालिक पहिचान गर्न सफल भएको हो । विभागका महानिर्देशक चण्डीप्रसाद घिमिरेले २५ करोडको मालिक सिन्धुपाल्चोक भोटेकोशी गाउँपालिका–४ स्थायी घर भएका ३५ वर्षीय नारायण पौडेल रहेको बताए ।
‘हामीलाई यसका मालिक पहिचान गर्नुपर्ने चुनौती पनि थियो । संसद्सम्म यसका मालिकबारे प्रश्न उठेको थियो । जसकारण पनि मालिक पहिचान गर्न हामीलाई चुनौती पनि थियो । तर यसमा सफल भएका छौं,’ घिमिरेले भने ।
पछिल्लो समय टोखा नगरपालिका–१० महादेवटार हाइटस्थित आफ्नै घरमा बसोबास गर्ने पौडेलकै मुख्य लगानी र योजनामा यो रकम चीन जान लागेको विभागको अनुसन्धानबाट खुलेको छ ।
फरार घिमिरेकाे खाेजी तिव्र पारिएको प्रहरीले बताएको छ।
