रामचन्द्र पाेखरेल नियमित पठाओ चढ्छन् । उनले आज पनि पठाओ सर्च गरे ।
काेटेश्वर-चाबहिल दिदीको घरमा टिका लगाउन जाने पर्ने भएकाले ४०० रुपैयाँ तिरेर पुगे ।
जबकि सामान्य अवस्थामा १५० रुपैयाँ हाराहारीमा पर्ने गर्छ । तर, तिहारको मौका छोपेर पठाओले मनपरी असुली गरिरहेको पाइएको छ ।
यो त एक उदाहरणमात्रै हो । तिहारको भाइटीकाको दिन राइड सेयरिङ एप्लिकेसनमार्फत आफूहरूले ठगिएको महसुस गरेको कैयन सेवाग्राहीले बताएका छन् ।
पठाओमा मात्रै नभएर इन्ड्राइभ जस्ता राइड सेयरिङ एप्लिकेसनमार्फत ग्राहकले सहजताका लागि अनलाइनमार्फत अर्डर गरेपनि तिहारको नाममा ठगी गरेको उनीहरूको गुनासो छ ।
सेवाग्राही गणेश खनालले आइतबार दिउँसो आफू राजधानीको नेपालटारबाट वसुन्धरा इन्ड्राइभमा जाँदा ट्याक्सीले अफलाइनमा मात्रै जान चाहेको बताए । आफूलाई जानै पर्ने भएकाले बानेश्वर-वसुन्धरा आउजाउमा १ हजार रुपैयाँ खर्चिनुपरेको उनको गुनासो छ ।
पछिल्लो समय यात्रुहरूलाई एक ठाउँबाट अर्को ठाउँमा जानका लागि साइड सेयरिङ सजिलो माध्यम बनेको छ । तर, तिहारको समयमा यातायात पनि धेरै नचल्ने मौकामा राइडरहरुले अनेक बहानामा ठगी गर्दा सम्बन्धित निकाय भने मौन छ ।
यस्तो अवस्थामा अनलाइनमा एसेप्ट नै नगरिदिने र गरिहाले पनि अनेक बहानामा मोलमोलाइ गरेर ठग्ने गरेको उनीहरूको भनाइ छ ।
राज्य भने यस्ता ठगीमा रमिते देखिएको छ।
