- एलन मस्क १ ट्रिलियन डलरभन्दा बढी सम्पत्तिसहित विश्वको पहिलो ट्रिलिनियर बनेका छन्।
- मस्कको निजी धन २१ वटा ठूला देशको कुल अर्थतन्त्रभन्दा पनि बढी छ।
- टेस्ला र स्पेसएक्सजस्ता कम्पनीको सफलताले उनलाई छोटो समयमै यो स्थानमा पुर्याएको हो।
सन् २०२६ जुन १२ तारिख, शुक्रबार व्यावसायिक धनको अभिलेखन गर्ने संस्था र प्रकाशनले एलन मस्क मानव सभ्यताको पहिलो खर्बपति अर्थात् ट्रिलिनयर भएको घोषणा गरे ।
उनको सम्पत्तिको कुल मूल्य १ ट्रिलियन कटेको छ । संसारका १२५ देश वा राजनीतिक इकाइमध्ये २१ देशको अर्थतन्त्र उनको निजी धनभन्दा ठूलो छ । धनको आधारमा उनी विश्वको २२ औं देश हुन् । १९८ देशभन्दा उनी एक्लै धनी छन् ।
१ बिलियभन्दा ठूलो अर्थतन्त्र भएका २१ देश हुन्– अमेरिका, चीन, जर्मनी, जापान, वेलायत, भारत, फ्रान्स, इटाली, रुस, ब्राजिल क्यनाडा, स्पेन, मेक्सिको, अष्ट्रेलिया, तुर्केए, दक्षिण कोरिया, नेदरल्यान्ड, स्वीट्जरल्यान्ड, साउदी अरेबिया र पोल्याण्ड ।
यीमध्ये अमेरिकी अर्थतन्त्र ३२.३८ ट्रिलियनको छ भने पोल्याण्डको १.१३ ट्रिलियनको ।
यो गणना मस्कको स्वामित्वमा रहेका कम्पनीको सम्पत्ति र शेयरमूल्यको आधारमा गरिएको हो । फोर्ब्स र ब्लुमबर्गलगायतले शुक्रबार मस्कको सम्पत्ति १.१ देखि १.२ ट्रिलियन बीचमा भएको तथ्य अघि सारेका छन् ।
मस्कको धनी बन्ने प्रक्रिया तीव्र र अन्य अर्बपतिको भन्दा छोटो अवधिको छ । सन् १९९० मा उनी प्रविधि व्यवसायमा प्रवेश गरेका थिए । सन् २०१२ मा फोर्ब्सले उनलाई ६३४ औं स्थानमा राखेको थियो । सन् २०२१ बाट मस्कलाई संसारकै धनी मानिएको हो ।
टेस्ला, एक्स, स्पेसएक्स, एआईएक्स, द बोरिङ, स्टारलिंक, न्यूरोलिंकजस्ता कम्पनीको कारण मस्क मानव सभ्यताकै सबैभन्दा धनी व्यक्ति बन्न पुगेका हुन् ।
व्यक्तिको निजी धनले बिलियनबाट ट्रिलियन भेट्न ११० वर्ष लागेको छ ।
सन् १९१६ मा अमेरिकी नागरिक जोहन डी. रकफेलर संसारको पहिलो बिलिनियर बनेका थिए । रकफेलरको सम्पत्तिको मुख्य स्रोत तेल थियो । उनी स्टार्न्डड आयल कम्पनीका संस्थापक थिए ।
लामो समयसम्म रकफेलर संसारका सबैभन्दा धनी व्यक्तिको बिम्ब बनिरहे । रकफेलरपछि यो स्थान हेनरी फोर्ड र बिल गेट्सले लिएका थिए ।
