संचार उद्यमी हरिप्रसाद भुषाल कानुन बनाउने थलो संसद्मा पुगेका छन् ।
ठुला दल कांग्रेस एमालेका उम्मेदवारलाई परास्त गदै अर्घाखाँचीमा राष्ट्रिय स्वतन्त्र पाटीका भुसाल ३५ हजार २३ मतका साथ विजयी भएका हुन ।
उनका निकटतम प्रतिद्धन्दी नेकपा एमालेका पिताम्बर भुसालले २२ हजार ६ सय ४९, नेपाली कांग्रेसका विष्णु प्रसाद खनालले १८ हजार २ सय ९७, नेपाली कम्युनिष्ट पार्टीका रामबहादुर चौहानले ३ हजार ८ सय ४७ , मत प्राप्त गरे ।
राष्ट्रिय स्वतन्त्र पार्टीका जिल्ला अध्यक्ष हरिप्रसाद भुसाल रास्वपाको जिल्ला संगठन बनाउन तथा गाउँगाउँमा रास्वपाको समिती निर्माण गर्न सुरुदेखि नै लागेका थिए । भुसाल २०७९ सालको प्रतिनिधि सभामा पनि रास्वपाबाटै उम्मेदवार रहेका थिए । उनले २०७९ सालको निर्बाचनमा ३२ सय मत ल्याएका थिए ।
३७ वर्षीय भुसाल त्रिभुवन विश्वविद्यालयबाट स्नातक हुन्। लेखक, मिडिया सञ्चालक तथा सामाजिक अभियन्ताका रूपमा परिचित उनी सन्धिखर्कमा आर्टस् व्यवसाय सञ्चालन गर्दै आएका छन्। उनी लायन्स क्लब अर्घाखाँचीका संस्थापक अध्यक्ष तथा अर्घाखाँची चेम्बर अफ कमर्सका महासचिव समेत हुन्।
