ह्यात रिजेन्सीले ५ प्रतिशत नगद बाँड्ने

तारागाउँ रिजेन्सी होटल्स लिमिटेड (ह्यात होटल)ले आफ्ना सेयरधनीलाई बाँड्ने लाभांश प्रस्तावको निर्णय गरेको छ।

होटल सञ्चालक समितिको बैठकले लगानीकर्तालाई ५ प्रतिशत नगद लाभांश बाँड्ने प्रस्ताव गरेको हो।

यो लाभांश करबाहेक रहेको कम्पनीले जनाएको छ। आगामी पुस २३ मा बस्ने कम्पनीको वार्षिक साधारणसभाबाट पारित भएपछि सेयरधनीले पाउने गरी लाभांश प्रस्ताव गरिएको छ।