सरकारले खाद्य व्यवस्था तथा व्यापार कम्पनीको प्रमुख कार्यकारी अधिकृतमा धादिङका रमेश आचार्यलाई नियुक्त गरेको छ।
खाद्य संस्थान र नेसनल ट्रेडिङ लिमिटेडलाई गाभेर बनाइएको सरकारी स्वामित्वको यस कम्पनीमा सरकारले प्रतिस्पर्धात्मक प्रक्रियाबाट नियुक्त गरेको हो।
सरकारले पदपूर्तिका लागि गठन गरेको सिफारिस समितिले गत २०८१ वैशाख ५ मा दर्खास्त आह्वान गर्दा १२ जनाले आवेदन दिएका थिए।
उनीहरूको व्यावसायिक कार्ययोजना प्रस्तुतिकरण र अन्तर्वार्तापछि ३ जनाको नाम सिफारिस समितिले मन्त्रिपरिषद्मा पठाएको थियो।
तीन जनामा आचार्यका अतिरिक्त गोपीकृष्ण न्यौपाने र डिल्लीराज लम्साल पनि थिए। लम्साल कम्पनीकै निमित्त कार्यकारी अधिकृतका रूपमा कार्यरत छन्। तिनैमध्येबाट मन्त्रिपरिषद्ले आचार्यलाई नियुक्त गरेको हो।
